IKUSKERA

Eskaintzen dugun eskaintza-kalitatea dela-eta gure ingurunean ezaguna den ikastetxea izan nahi dugu. Kalitate hori, honako hauetan oinarritzen da:   - Fedean eta balio pertsonalen garapenean oinarritutako heziketa, aldaketarekiko pentsamolde irekia sustatu eta kultura eta fedearen arteko elkarrizketa bideratzen duena. - Ikastetxeko langileak IBV María delakoaren hezkuntza-ereduarekin bat etortzea. - Emaitza akademiko onak,   honako hauen  bitartez  lortu  direnak: banakako arreta, metodologia aktibo eta eguneratua, etengabeko hobekuntzarekin konpromisoa hartu duena. - Prestakuntza eleaniztuna, funtsean ingelesari eta euskarari dagokionean, eta teknologia berriak menderatzen dituena. - Familiekin eta hezkuntza- eta gizarte-inguruenarekin lankidetzan egindako prestakuntza. - Baliabide pedagogikoen zein ekonomikoen bikaintasunaren printzipioetan oinarritutako kudeaketa.

Pertsonaren heziketa integrala lortu nahi dugu, haren dimentsio guztiak kontuan hartuz: dimentsio transzendentea, morala, emozionala, gizarte-arlokoa, adimen-arlokoa, akademikoa, fisikoa eta etorkizunari begirakoa.

Gure ustez, maitatzeko eta munduan eta munduarekin zoriontsu izateko sortu du Jainkoak gizakia. Beraz, pertsona libreak, zuzenak, arduratsuak, zintzoak eta alaiak hezi nahi ditugu:

-Pertsona libreak, beren  buruen  jabe  direnak,  kritikoak errealitatearekin eta beren bizitza eta mundua bera eraikitzeko gai direnak.

- Gainerakoekiko  harremanetan  zuzentasun-sena  duten  pertsonak,  toleranteak,  solidarioak  eta  gizarte-aldaketaren eragileak.

- Pertsona arduratsuak, sorkuntzaren eta bizi diren munduaren partaide sentitzen direnak.

- Beren prestakuntza, hazkuntza eta ikasketa prozesuaren eragileak.

- Beren buruarekiko eta gainerakoekiko harremanetan zintzo eta garbi jokatzen duten pertsonak.

- Pertsona alaiak, ‘edukitzea’ barik ‘izatea’ lehenesten duten pertsonak, Jesusen mezuaren esperantzak eta autoestimazio positiboak ematen dieten alaitasunez.